يوم ياباني في الجزويت! 
مركز الجزويت الثقافي بالإسكندرية يدعوكم ليوم مميز مليان بالأنشطة والثقافة والفن الياباني، بتنظمه مؤسسة اليابان بالقاهرة ويستضيفه مركز الجزويت الثقافي.

 السبت 26 يوليو 2025
 من 6 مساءً لـ 9 مساءً
 مركز الجزويت الثقافي – الإسكندرية

إيه اللي مستنيكم في اليوم ده؟
 الزي التقليدي الياباني
مين فينا مش بيحب اللبس الياباني ونفسه يجرب يلبسه. في اليوم الثقافي بتاعنا فيه فرصة للبنات والشباب وكمان الأطفال أنهم يجربوا اليوكاتا ويتصوروا بيه عند الديكور التقليدي اللي هيكون مفاجأة يومها. 
 نرجو تفهم أن ارتداء اليوكاتا قد يستغرق وقت حسب عدد الزوار

 فن الخط التقليدي “الشودو”
هيبقي في ركن مخصوص لكل اللي حابين يعرفوا اسمهم بيتكتب ازاي بالياباني

 فن طي الورق “أوريجامي”
الأطفال والكبار كمان بيحبوا يلعبوا بالورق ويعملوا اشكال. وعشان كدا هيكون في ورشة أوريجامي هنتعلم فيها بعض أشكال الأوريجامي الياباني وهنعملها سوا.

 ركن إهداء الكتب المختلفة
الركن دا هنهاديكم فيه بكتب متنوعة بلغات مختلفة وروايات وكمان مانغا.

 ملحوظة: سيتم توزيع الكتب بشكل عشوائي
 عرض تقديمي عن مراسم تقديم الشاي “السادو” الساعة 6 مساءً
مراسم تقديم الشاي الياباني هتنقلنا في رحلة لليابان وتبعث في روحنا الهدوء والسكينة.

 عرض فيلم “Suzume” الساعة 9 مساءً
هو فيلم عن مغامرة حديثة تدور أحداثها حول فتاة تبلغ من العمر 17 عاماً تدعى سوزومي تساعد شابًا غامضًا على إغلاق أبواب من الجانب الآخر الذي يطلق كوارث في جميع أنحاء اليابان.

 مستنينكم تنورونا وتعيشوا معانا أجواء يوم ياباني مختلف!